- 069 -
1371 (11. kwietnia) Świdnica, w drugi dzień po św. Stanisławie, następnego dnia po Wielkanocy etc.
AgnieszkaAgnieszka Habsburg, żona Bolka II. Małego, księżna świdnicko – jaworska w l. 1368 – 1392. , księżna Śląska, pani z Książa oraz na Świdnicy i Jaworze, sprzedała mieszczanom Świdnicy, Jawora i Bolkowa, za kwotę 300 grzywien groszy praskich polskiej miaryRówna wrocławskiej, równa krakowskiej., srebrną monetę na okres dziesięciu lat.
— Wir Agnes von gots gnaden herczoginne von Slezien frouwe von FurstinbergZamek Książ czu der SweidniczŚwidnica und zu dem Jauwor tuen kunt und bekennen offenlich mit disem brieve allen den die in sehen horen odir lesen, daz wir unsern getruwen - - - ratman und burgern unser stete Sweidnicz JauworJawor und HainBolków yn eynem rechten kouffe recht und redelich vorkoufft haben unser silberyne muncze obiral yn unsern landen, beyde yn dem nuewen lande und ouch yn dem alden lande und yn allen unsern steten burgen merkten dorffern umb dreihundert mark Prager grasschen und Polinisscher czale, daz die sal sein czu der Sweidnicz und niergen andirswo wedir yn unserm lande, daz wir iczunt haben, noch in dem, daz uns noch czugeen mochte, weder yn steten noch yn dorffern noch yn gebirgen noch uff heusern noch in welden noch yn dheiner andern stat wenn yn unser stat Sweidnicz, is kome silberweg dorinne uf odir nicht. Dieselbe silberyne muncze sullen sie haben von sant Johans tage dez touffers [29. sierpnia] der nehst zukunfftig wird obir czeen gancze iar nochenander ane mittel zu czeln und sullen die haben alle die czeit czu allem rechte, czu allem nucze und czu allir herschafft alz wir sie selbir gehabt haben odir gehaben mochten, und sullen slahen czwelf pfennige fur eynen grasschen und fierundczwenczig helbelinge fur eynen grasschen. Ouch sal man zu der marke silbers drei fierdunge kuppfers zuseczen, und eun scot sal steen ane var an der marke, sie sei zu geringe odir zu swer odir dorundir odir dorobir. Ouch sullen sie munczen und slahen in denselben czeen iaren alle iare wenne is in fuglich ist und alzo dicke und alzo offte alz sie wollen und alz sie dunket daz is notdurfft sein wirdt. Ap ouch die vorgenanten ratman und burger dieselbe muncze nicht wolden noch mochten selbir gehalden, zo mogen sie dieselbe muncze vorkeuffen odir vormyten eynem andern manne wem sie wollen und wie sie mogen in den czeen iaren, dach eynem zogetanen manne, der unser undersezze sei odir unser burger. Wir wollen ouch daz nymand anders sal lazzen slahen noch munczen dieselbe silberyne muncze, der yn unserm lande geseszen ist, daz wir iczunt haben und daz uns noch werden mochte, er sei ritter odir knecht, burger odir gebuwer, cristen oder jude, nymant uzgenommen, sunder die obgenanten burger alleyne odir der, dem sie dieselbe muncze vormyten als vor geredt ist. Ouch wollen wir, daz keyn man ritter knecht burger gebuwer noch keyne stat sal nehmen noch sal lazzen nemen andir pfenninge wenn die pfennige, die die offtgenanten ratman und burger werden lazzen slahen, den wir sie vorkoufft habn. Wer dorobir andirs tete, der sal daz beszern und abelegen mit czeen marken und die sullen halb gevallen uns und halb den vorgenanten steten Sweidnicz Jauwor und Hain, und dorczu sullen wir in behulffen sein. Dobei globen wir sie die egenanten czeen iar zu lazzen und zu behalden frei ane allis dienst und beswernizze von uns unsern dienern und anewalden ungehindert. Mit urkund dicz brieffs vorsigelt mit unsem anhangendem ingesigle.
Gegeben zu der Sweidnicz an dem andern tage noch sant Stanislai tage dez nehsten noch Ostern noch gots geburt dreiczenhundert iar dornoch yn dem eynenundsebenczigstem iare.
Dez sint geczeuge unser lieben getruwen her Nickel Bolcze unser hofemeyster, her Fredrich von dem Pechwinkel, her Reyntsch Schofvon Schaffgotsch, her Gunczel von dem Sweinze Świn, her Nickel von dem CzeiskbergeZ Cisów, Nickel von Sachenkirche und her Petir von Nebiltschicz unser lantschreiber, dem diser brieff wardt bevolen.